КР УКМК ыкчам-издөө иш-чараларынын жүрүшүндө 2023-жылдын 27-январында Ош облусунун Кара-Суу районунун Нариман айылында «Тайота Ленд Крузер 200» үлгүсүндөгү унаага кол салуунун дагы бир катышуучусу, мурда бир нече жолу соттолгон КР жараны И.С.Д.ны кармады.
Учурда тергөө-ыкчам иш-чаралары жүрүп жатат.
Маалымат үчүн: 2023-жылдын 27-январында “ИГВХ” эл аралык террористтик уюмдун мүчөлөрү акча каражаттарын алуу максатында беткап жана камуфляж кийимдерин кийип алып, Кара-Суу районунун Жым айылындагы Айткулов көчөсүндөгү N48 үйдүн короосунда турган “Тойота Ленд Крузер 200” үлгүсүндөгү унаага куралдуу кол салышкан, бирок каалаган натыйжага жетпей, окуя болгон жерден качып кетишкен.
