Лейлекте милиция аялына зомбулук көрсөткөн эркекти кармады. Бул тууралуу Баткен ОИИБден билдиришти.
Лейлек районун Ак-Арык айылынын 31 жаштагы тургуну (аял киши) милицияга кайрылып, анын 34 жаштагы күйөөсү спирт ичимдигин ичип, мас абалда уруп-тепкилеп зомбулук көрсөткөнүн билдирип арыз менен кайрылган.
Бул арыз Лейлек РИИБге Кылмыш жаза кодексинин 138-беренеси (уруп-сабап кыйноо) менен катталып, сотко чейинки өндүрүш иши башталды.
Жабырланган аялга коргоо ордери берилип, тиешелүү экспертизалар дайындалып, ага зомбулук көрсөткөн жолдошу убактылуу кармоо жайына киргизилди. Учурда тергөө иштери жүрүп жатат.