4-августта Кыргызстандын Суу ресурстары, айыл чарба жана кайра иштетүү өнөр жайы министрлиги менен Кытай тараптын ортосунда маанилүү келишимге кол коюлду.
Келишимдин алкагында Кыргызстанга гранттык жардамдын негизинде 370 даана атайын техника жана жабдуулар жеткирилет. Алар ирригациялык каналдарды тазалоо, суу чарба объектилерин тейлөө жана айыл чарба жерлерин суу менен камсыздоону жакшыртуу иштерине колдонулат.
Жаңы техника өлкө боюнча 7 облустук жана 40 райондук суу чарба башкармалыгына бөлүштүрүлөт.
Бул долбоор — Кыргызстандагы суу чарба тармагын жаңылоого, сууну натыйжалуу пайдаланууга жана айыл чарбасын өнүктүрүүгө багытталган маанилүү кадам.
